Oralda sý qoımasynda qaıyq aýdarylyp, jas jigit kóz jumdy
BQO TJ departamentiniń baspasóz qyzmetinen málim etkenindeı, oqıǵa 6 tamyz kúni Jelaev kentinde «Arna» demalys aımaǵynda bolǵan.
«Karer» sý qoımasynda 6 tamyz kúni saǵat 19.15-ten bastap jas jigitti izdestirý jumystary júrgizildi. Ol qaıyqpen serýendeý kezinde sýǵa batyp ketken. Dostarymen birge demalǵan jigit ishimdik ishpegen. Іzdestirý jumystary 7 tamyz kúni tańǵy saǵat 07.00-de qaıta jalǵasty. 20 jastaǵy jigittiń denesi saǵat 09.12-de tabylyp, sýdan shyǵaryldy», - dep habarlady vedomstvodan.
Osylaısha, demalys kúnderi óńirde 5 adam sýǵa ketse, sonyń úsheýi – jasóspirim.
Oblysta aptap ystyqtyń jalǵasýyna baılanysty BQO TJ departamenti turǵyndarǵa sýdaǵy qaýipsizdik erejelerin saqtap, balalardy qaraýsyz qaldyrmaý keregin eske salady.
Eske sala keteıik, budan buryn BQO-da taǵy 2 jasóspirimniń sýǵa batyp ketkenin jazǵan bolatynbyz.