Oralda stýdentterge arnalǵan qos birdeı jataqhana salý kózdelýde
Oblys ákimi Altaı Kólginovtiń aıtýynsha, Oralda jataqhana tapshylyǵy sezilýde. Eki myńnan astam stýdentke jataqhana qajet bolsa, sonyń 500-i M.Ótemisov atyndaǵy Batys Qazaqstan memlekettik ýnıversıtetine tıesili. Qazirgi kezde jer telimi ázirlenýde. Sol sekildi kolledj shákirtterine de bir jataqhana kerek. Jataqhanalar qurylysyn bıyl bastap, aldaǵy jyly aıaqtaý josparlanýda. Bul ózge óńirlerden, sondaı-aq aýdandardan kelgen stýdentterdi jataqhanamen qamtýǵa múmkindik beredi.
Aıta keteıik, oblysta qoljetimdi baspana kezeginde 22 myń adam tursa, sonyń 19 myńy Oral qalasynda. Oǵan qosa 56 myń turǵyn - «Turǵyn úı qurylys jınaq banki» salymshylary. Elbasy tapsyrmasyna sáıkes osy áleýmettik máseleni sheshý maqsatynda bıyl 21 kópqabatty, sonymen qatar aýdandarda 100-ge jýyq turǵyn úı salynbaqshy.