ASTANA. QazAqparat – Oral qalasynda shahmattan QR kýbogynyń tórtinshi kezeńi – ORAL OPEN halyqaralyq týrnıri máresine jetti, dep habarlaıdy QazAqparat tilshisi.
Jarystyń bas tóreshisi Valerıı Mınniń málim etkenindeı, tartysty ótken doda qorytyndysynda jeńimpaz-júldegerler anyqtaldy.
Týrnırdegi reıtıng kóshin bastaǵan amerıkalyq grossmeıster Hans Moke Nımann óziniń sheberligi joǵary ekendigin dáleldeı bildi.
Ol 7,5 upaı jınap, chempıondyq tuǵyrǵa kóterildi.
Sondaı-aq 6,5 upaıdan jınaǵan shahmatshylar qatarynan úndistandyq Setýraman Panaıappan Setýraman jáne armenııalyq Manýel Petrosıan qosymsha kórsetkishter boıynsha úzdik úshtikke ilikti.
Qazaqstandyqtardan Ernur Amangeldi 19-orynnan kórindi.
Eske sala keteıik, budan buryn shahmattan ORAL OPEN halyqaralyq týrnıri bastalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).