Oralda shahmattan ORAL OPEN halyqaralyq týrnıri bastaldy

ORAL. QazAqparat – Oral qalasyndaǵy «Atameken» óner ortalyǵynda QR kýboginiń tórtinshi kezeńi – ORAL OPEN halyqaralyq týrnıri bastaldy, dep habarlaıdy QazAqparat tilshisi.

BQO dene shynyqtyrý jáne sport basqarmasynyń baspasóz qyzmetinen málim etkenindeı, atalǵan jarysqa AQSh, Armenııa, Úndistan, Belarýs, Ýkraına, Reseı, Ózbekstan, Shvetsııa, Túrkııa, Danııa, Chernogorııa jáne Qazaqstannan 180-ge jýyq shahmatshy qatysýda.

Sonyń ishinde 17 halyqaralyq grossmeıster bar.

Týrnırdiń ashylý saltanatynda BQO ákiminiń birinshi orynbasary Erjan Baltaev, QR shahmat federatsııasynyń vıtse-prezıdenti Aleksandr Babenko mundaı dodalardyń atalmysh zııatkerlik sport túrin keńinen damytýda mańyzy zor ekendigin atap ótip, jarysqa qatysýshylarǵa sáttilik tiledi.

Іs-sharada aıtylǵanyndaı, Batys Qazaqstan oblysynda da ózindik shahmat mektebi qalyptasqan. Óńirden halyqaralyq grossmeıster Murtas Qajyǵalıev, sondaı-aq Valerıı Mın, Álibek Igambergenov, Roman Kozlov, Janat Saıyn, Azamat Óteǵalıev, Aısezim Muhıt, Álıhan Erǵalıev, Laýra Ábdildaeva sekildi elge tanylǵan shahmat sheberleri shyqty.

Halyqaralyq jarys 28 shildede máresine jetip, jeńimpaz-júldegerler anyqtalady.

Eske sala keteıik, budan buryn «Astana juldyzdary» halyqaralyq shahmat festıvaliniń jeńimpazdary anyqtalǵanyn jazǵan bolatynbyz.