Oralda salmaǵy 6 keliden asatyn alyp bala dúnıege keldi
14:41, 19 Shilde 2023
ORAL. QazAqparat – Oral qalasynda salmaǵy 6 keliden asatyn shaqalaq dúnıege keldi, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmetinen málim etkenindeı, Oral qalasynyń turǵyny, 1987 jylǵy kelinshek qalalyq kópbeıindi aýrýhanada 16 shilde kúni salmaǵy 6 kg 170 gramm tartatyn ul balany bosanǵan.
«Atalmysh shaqalaq – otbasyndaǵy úshinshi bala. Boıy - 63 sm. Qazirgi kezde dárigerlerdiń qatań baqylaýynda. Ana men balanyń densaýlyǵy birqalypty. Aýrýhanadan erteń shyǵarady», dep habarlady vedomstvodan.
Eske sala keteıik, budan buryn Batys Qazaqstanda úshem dúnıege kelgenin jazǵan edik.