Oralda salqyn sýdyń bolmaıtyny jóninde jalǵan aqparat tarap jatyr

<p>ORAL. KAZINFORM &mdash; Oral qalasynda taıaý ýaqytta sorǵy stansasyn sý basatyndyqtan, salqyn sý berý toqtatylatyny jóninde jalǵan aqparat tarap jatyr.</p>

«Batys sý arnasy» JShS-nyń baspasóz qyzmetinen málim etkenindeı, áleýmettik jelide shyndyqqa sáıkes kelmeıtin aqparat kóptep taralýda.

«Qazirgi tańda Oral qalasynda sýmen qamtýdy jáne aǵyndy sýlardy burýdy qamtamasyz etetin barlyq tehnologııalyq jabdyqtar qalypty jumys isteýde. Oral qalasy 2 kózden – Jaıyq ózeninen jáne Oral jerasty sý ken ornynan alynatyn sýmen qamtylady. Sorǵy stansasy men sý tazartý qurylymdary kesheni aýmaqtaryn sý basýdan qorǵaý úshin bógetterdi nyǵaıtý jumystary júrgizildi. Oral qalasy turǵyndaryn dúrbeleńge salynbaı, resmı aqparatqa nazar aýdarýyn suraımyz», dep habarlady vedomstvodan.

Eske sala keteıik, budan buryn Jaıyq ózenindegi sý deńgeıi Oralda bir táýlikte 13 santımetrge kóterilgenin jazǵan edik.

Oral qalasy ákimdigi qaýipti aımaq turǵyndaryna kóshýge daıyn bolý kerektigin eskertti.

Oral túrmesinde sottalýshylar elimizdiń basqa óńirlerine kóshirildi.