Oralda Prezıdent shyrshasyna 200 bala qatysty

<p>Oral qalasynda QR Prezıdenti atynan &laquo;Qosh keldiń, jańa jyl!&raquo; atty jańajyldyq shyrsha ótkizildi, dep habarlaıdy <a href="Kazinform" target="_blank" rel="noopener">Kazinform.</a></p>

Jańajyldyq shyrshaǵa 9 ben 13 jas aralyǵyndaǵy oblys aýdandary men qaladan 200 bala qatysady. Olardyń arasynda jetim jáne ata-anasynyń qamqorlyǵynsyz qalǵan, damý múmkindigi shekteýli, múgedek jetkinshekter, az qamtylǵan, kópbalaly otbasylardan shyqqan jáne daryndy balalar bar. 

Búldirshinder bı alańyna shyǵyp, Aıaz ata men Aqshaqardyń qatysýymen merekelik áserge bólendi. Balalardy oblys ákimi Narıman Tóreǵalıev Jańa jyl meıramymen quttyqtap, shynaıy lebizin bildirdi.

«Jańa jyl – qashanda ár adamnyń júregine jańa úmitter men appaq armandar uıalatatyn, ǵajaıyp qııaldarǵa qol sozdyratyn erekshe merekemiz. Prezıdent Qasym-Jomart Kemeluly balanyń kúlkisi men baqytynan artyq eshteńe joq ekenin, sender sekildi jas qazaqstandyqtardyń jan-jaqty damýyna qolaıly jaǵdaı jasaý memleketimizdiń basty mindetteriniń biri ekenin atap ótken bolatyn. ıAǵnı, balalar men jasóspirimder úshin jaıly balabaqshalar, zamanaýı mektepter salynyp, ınnovatsııalyq ortalyqtar, oqýshylar saraılary jáne sport keshenderi ashylýda. Túrli úıirmeler men sektsııalar da uıymdastyrylýda. Aldaǵy ýaqytta da kóptegen jańa joba qolǵa alynady. Árbir balanyń talabyn ushtap, darynyn ashýdy kózdeıtin túrli is-sharalar jalǵasyn tabady. Osylaısha, senderdiń Otanymyzdyń myqty da bedeldi azamaty bolyp qalyptasýlaryń úshin barynsha múmkindik jasalady. Eń basty kúsh – bilimde ekenin umytpańdar!», - dedi óńir basshysy. 

Ertegi keıipkerleri retinde kıingen balalar ákimmen birge shyrshany aınala bı bılep, án shyrqady.

Qazaqstan Prezıdenti atynan jańajyldyq shyrshaǵa qatysýshynyń árqaısysyna 108 myń teńge kóleminde syılyq tabys etildi. Sonymen qatar balalar «Kim patsha?» atty qazaqsha jáne orys tilinde «Aıaz ata demalysta» qoıylymyn tamashalady.