Oralda polıtsııa qyzmetkerlerine 50 avtokóliktiń kilti tabys etildi
Jıynǵa qatysqan oblys ákimi Altaı Kólginovtiń atap ótkenindeı, Elbasy tapsyrmasyna sáıkes ishki ister organdaryna barynsha qoldaý kórsetilip keledi. Aıtalyq, sońǵy úsh jylda salanyń materıaldyq-tehnıkalyq bazasyn nyǵaıtýǵa 5 mlrd. teńge bólindi. 2017 jyly bıýdjetten qosymsha 1,5 mlrd. teńge berildi. Memleket tarapynan jasalyp jatqan qoldaý-kómektiń nátıjesinde jańa qurylys nysany salynyp, avtokólikter alynýda. Qazaqstan polıtsııasynyń 25 jyldyǵyna oraı óńirdegi polıtsııa qyzmetkerlerine 50 avtokóliktiń kilti tabys etilip otyr. Bul olardyń óz qyzmetterin tabysty atqarýyna septesedi. «100 naqty qadam» Ult jospary aıasynda óńirlerde jergilikti polıtsııa qyzmeti qurylǵany belgili. Qazirgi tańdaǵy basty mindet - kez kelgen quqyqbuzýshylyqtyń aldyn alyp, qylmys ataýlyǵa tosqaýyl qoıa bilý, «Múldem tózbeýshilik» qaǵıdatyn qalyptastyrý.
Shara barysynda QR Іshki ister mınıstri, polıtsııa general-polkovnıgi Qalmuhanbet Qasymovtyń merekelik quttyqtaý jedelhaty oqylyp, polıtsııa qyzmetkerlerine jańa áskerı shenderi, mınıstrliktiń marapattary tabys etildi. Oblystyq ishki ister departamentiniń bastyǵy, polıtsııa general-maıory Maqsuthan Ábilázimov baıandama jasap, salanyń qazirgi jaı-kúıine, alda turǵan mindetterge toqtaldy. Іshki ister salasynyń ardagerleri men jergilikti atqarýshy organdardyń basshylaryna «Qazaqstan polıtsııasyna 25 jyl» tósbelgisi tapsyryldy.
Shırek ǵasyr ýaqyt ishinde qyzmet babynda qaza tapqan 31 tártip saqshysy eske alynyp, oblystyq departamenttiń arnaıy bólinisteri jaýyngerleri men jol qozǵalysynyń jas ınspektorlary jasaǵy jattyǵý túrlerin jasady. Jınalǵandar nazaryna kontserttik baǵdarlama usynylyp, tártip saqshylary sahnaǵa shyǵyp, óz ónerlerin kórsetti. Merekelik shara otshashýǵa ulasty.