Oralda polıtsııa qyzmetkerine para bermek bolǵan ózbekstandyq azamat ustaldy
BQO polıtsııa departamenti ózindik qaýipsizdik basqarmasynyń bastyǵy, polıtsııa podpolkovnıgi Ashat Imanbaevtyń málim etkenindeı, atalǵan azamat patrýldik polıtsııa batalonynyń ınspektoryna 12 myń teńge kóleminde para usynǵan. Ol polıtsııa qyzmetkerinen ákimshilik jaýapkershilikke tartpaýdy ótingen.
Qazir QR QK 367-baby 1-bóligine (para berý) sáıkes sotqa deıingi tergeý amaldary bastaldy.
A.Imanbaevtyń aıtýynsha, respýblıkada, sonyń ishinde BQO polıtsııa departamentinde sybaılas jemqorlyqqa qarsy kúres kúsheıtilip, para alýshylardy da jáne para berýshilerdi de jazalaý qarastyrylǵan.
«Bıyl jyl basynan beri Batys Qazaqstan oblysynda ishki ister organdary qyzmetkerleriniń para alýǵa oqtalý deregi boıynsha 2 qylmystyq is tirkeldi. Jyl basynda QR Іshki ister mınıstrligimen polıtsııa qyzmetkerleriniń adaldyǵyn tekserý maqsatynda «Integrrity check» pılottyq jobasy iske qosylǵan bolatyn. Qazirgi ýaqytta ár patrýldik polıtsııa qyzmetkeri, ýchaskelik polıtsııa ınspektory, sondaı-aq olardyń qyzmettik avtokólikteri jáne oryndary aqparatty avtomatty túrde jiberetin nemese jedel basqarý ortalyqtaryna jedel áreket etý úshin júkteıtin, azamattarmen tikeleı baılanys jasaıtyn zamanaýı fıksatorlarmen jabdyqtaldy. Laýazymdy tulǵaǵa para berý QR Qylmystyq ister kodeksiniń 367-babynda kózdelgen qylmystyq quqyq buzýshylyq bolyp tabylatynyn eskermeýge bolmaıdy. Ol úshin eń joǵary jaza – 10 jyldan 15 jylǵa deıingi merzimge bas bostandyǵynan aıyrý túrindegi jaza qarastyrylǵan», - dedi Ashat Imanbaev.
Eske sala keteıik, budan buryn BQO-da sharýa qojalyǵynyń basshysy adamdardy quldyqta ustaǵanyn jazǵan bolatynbyz.
Sondaı-aq Oralda avtokólik qaǵyp ketken qarııa jansaqtaý bóliminde jatyr.