Oralda ótken til baıqaýynda atyraýlyq jaýynger jeńiske jetti

ORAL. QazAqparat - Oralda QR Ulttyq ulany «Batys» óńirlik qolbasshylyǵyna qarasty áskerı bólimderdegi ózge ult ókilderi arasynda «Memlekettik til - meniń tilim» baıqaýy márege jetti, dep habarlaıdy «QazAqparat» tilshisi.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, memlekettik tildi áskerı qyzmetshiler arasynda nasıhattaý maqsatynda jyl saıyn uıymdastyrylatyn dástúrli saıysqa Atyraý, Aqtaý, Aqtóbe, Jańaózen jáne Oral qalalarynda oryn tepken áskerı bólimderden baıqaýdyń birinshi kezeńinde úzdik atanǵan alty úmitker qatysyp, baq synady.  Olar ózderin tanystyryp, qazaq tilinde óleńder men shyǵarmalardan úzindiler oqydy, tarıhı tulǵalar týraly áńgimelep, sahnalyq kórinister qoıdy.

«Memlekettik tildi bilý - óz Otanyńnyń patrıoty bolý degen sóz. Sondyqtan ár áskerı qyzmetker qazaq tilin bilýi tıis», dedi Aqtóbedegi 6655-áskerı bólimnen kelgen qatardaǵy jaýynger Andreı Petrov. Qazaq tilinde maqal-mátel aıtýdan atyraýlyq Aleksandr Kondrashov aldyna jan salmasa, oraldyq kishi serjant ıÝrıı ıAkovlev (5517-áskerı bólim) Juban Moldaǵalıevtiń «Men qazaqpyn» poemasynan úzindi oqyp berdi.

Baıqaý qorytyndysynda Atyraýdaǵy 5546-áskerı bólimniń qatardaǵy jaýyngeri Aleksandr Kondrashov jeńimpaz atandy. Aqtóbelik A.Petrov ekinshi, oraldyq ıÝ.ıAkovlev úshinshi orynǵa ıe boldy.

Jeńimpaz-júldegerler dıplomdarmen, baǵaly syılyqtarmen marapattaldy. Al A.Kondrashov Astana qalasynda qyrkúıek aıynda ótetin baıqaýdyń qorytyndy kezeńine joldama aldy.