Oralda Otan qorǵaýshylar kúnine oraı saltanatty is-shara ótti

<p>ORAL. KAZINFORM &ndash; Búgin &laquo;Atameken&raquo; óner ortalyǵynda 7 mamyr &ndash; Otan qorǵaýshylar kúnine arnalǵan saltanatty kesh ótti.&nbsp;</p>

Merekelik is-sharada oblys ákimi Narıman Tóreǵalıev el damýynda er azamattardyń orny men erligin tilge tıek etip, olardyń óńirde bolǵan sý tasqyny kezinde jasaǵan eńbekterine erekshe toqtaldy. 

Foto: BQO ákiminiń baspasóz qyzmeti

«Oblysymyzdan jáne basqa da óńirlerden 3 myńǵa jýyq kúshtik qurylym qyzmetkerlerimen qatar, eldiń naǵyz patrıottary, bolashaq qorǵandary jastar qaýymy qıyn sátte uıymshyldyq tanytyp, el úshin aıanbaıtyndaryn dáleldedi. Budan bólek, eriktiler men qarapaıym turǵyndarymyz da kúndiz-túni tasqyn sýǵa qarsy jumystarǵa qol ushyn sozdy. Nátıjesinde, ýaqytyly qabyldanǵan sharalardyń arqasynda Oral qalasy men oblysymyzdyń 4 aýdanynda ornalasqan 84 eldi mekenin sý tasqynynan aman alyp qaldyq», - dedi óz quttyqtaý sózinde oblys ákimi. 

Foto: BQO ákiminiń baspasóz qyzmeti

Іs-shara marapattaý rásimimen jalǵasyp, halyqqa qorǵan bolǵan kúshtik qurylym qyzmetkerleri men syn saǵatta aıanbaı eńbek etken jandarǵa qurmet kórsetildi.  

Saltanatty kesh jergilikti ónerpazdardyń kontsertine ulasty. 

Foto: BQO ákiminiń baspasóz qyzmeti