Oralda órt qaýipsizdigi talaptaryn buzǵan kompanııaǵa aıyppul salyndy

<p>ORAL. KAZINFORM &mdash; Oral qalasynyń ákimshilik quqyq buzýshylyqtar jónindegi mamandandyrylǵan sotynda &laquo;PSP &laquo;Serik&raquo; JShS-ǵa qatysty is qaraldy.</p>

Oblystyq sottyń baspasóz qyzmetinen málim etkenindeı, bıylǵy 23 tamyzda BQO TJ departamenti atalmysh seriktestikke Oral qalasy Abaı dańǵyly 101-mekenjaıynda ornalasqan «Sıtı Tsentr» saýda oıyn-saýyq ortalyǵy aýmaǵynda órt qaýipsizdigi talaptaryn buzý faktilerin joıý týraly nusqama bergen.

Negizgi buzýshylyqtar saýda dúńgirshekteriniń ǵımarattan alshaqtyǵyna qatysty boldy. Bul tótenshe jaǵdaı oryn alǵan jaǵdaıda kelýshilerdiń ómirine qaýip tóndirýi múmkin edi. Nusqamada buzýshylyqtardy 22 qazanǵa deıin joıý talap etilgen, alaıda belgilengen merzimde bul talaptar oryndalmaǵan.

Sot otyrysynda seriktestik ókili buzýshylyqtardy joıý úshin qosymsha ýaqyt qajet ekenin túsindirdi, sebebi kompanııa dúńgirshekterdi ǵımaratqa biriktirýdi jáne tıisti sáýlet-qurylys qujattaryn rásimdeýdi josparlap otyrǵanyn málimdedi.

Іs materıaldaryn zerttep, taraptardy tyńdaǵannan keıin, sot nusqamanyń merziminde oryndalmaǵanyn anyqtap, bul áreket QR Ákimshilik quqyq buzýshylyq týraly kodeksi 462-babynyń 3-bóligine sáıkes ákimshilik quqyq buzýshylyq bolyp tabylatynyn rastady.

- Sot talqylaýynyń qorytyndysy boıynsha seriktestikke 516 880 teńge kóleminde aıyppul salý týraly sheshim qabyldandy. Sondaı-aq sot «Sıtı Tsentr» JShS-niń janynda ornalasqan «GYROS», «ZEBRA COFFEE», «KÝNJÝT» saýda dúńgirshekteriniń qyzmetin úsh aı merzimge toqtatty.

Sot órt qaýipsizdigi talaptaryn saqtaý, ásirese, adamdar kóp jınalatyn oryndarda eń mańyzdy faktorlardyń biri ekenin erekshe atap ótti. Seriktestik ókili nusqamany oryndaý merzimin uzartý týraly ótinish bildirgenimen, sot ony qanaǵattandyrmady. Óıtkeni ótinish ákimshilik quqyq buzýshylyq týraly is qozǵalmaı turyp, ýákiletti organǵa berilýi kerek edi.

QR Ákimshilik quqyq buzýshylyq týraly kodeksiniń 910-1-babyna sáıkes, eger seriktestik barlyq buzýshylyqty joısa, qyzmetin merziminen buryn qaıta bastaýǵa quqyly. Sot qaýlysy zańdy kúshine endi, - dep habarlady vedomstvodan.

Eske sala keteıik, budan buryn Oralda órt bolǵan saýda ortalyǵynan 150 adam syrtqa shyqqanyn jazǵan edik.

Órt atalmysh saýda ortalyǵynda bolǵan edi.