Oralda oq jaraqatyn alǵan polıtsııa qyzmetkeri kóz jumdy

<p>ORAL. KAZINFORM &ndash; Oral qalasynda oq jaraqatyn alǵan polıtsııa qyzmetkeri qaıtys boldy.</p>

BQO Densaýlyq saqtaý basqarmasynyń baspasóz qyzmetinen málim etkenindeı, 21 jastaǵy jigit oblystyq kópbeıindi aýrýhananyń jansaqtaý bólimshesinde esin jımastan 27 maýsymǵa qaraǵan túngi saǵat 00.00-de kóz jumdy.

Oqıǵa 24 maýsym kúni BQO Polıtsııa departamentiniń baqylaý-ótkizý pýnkti ǵımaratynda bolǵan edi. Oq jaraqatyn alǵan polıtsııa qyzmetkerine oblystyq aýrýhanada ota jasalǵan bolatyn.

BQO Polıtsııa departamenti baspasóz qyzmetiniń málimetine qaraǵanda, qazirgi kezde ózin-ózi óltirý deregi boıynsha sotqa deıingi tergeý amaldary júrgizilip jatyr. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy.

Eske sala keteıik, budan buryn Oralda oq jaraqatyn alǵan polıtsııa qyzmetkeriniń jansaqtaý bóliminde jatqanyn jazǵan bolatynbyz.