Oralda naýqasty aýrýhanaǵa apara jatqan sanıtarlyq kólik jol apatyna ushyrady

ORAL. QazAqparat – Oralda sanıtarlyq avtokólik jol apatyna ushyrap, birneshe adam aýrýhanaǵa jetkizildi, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Nurǵojın málim etkendeı, oqıǵa 1 maýsym kúni M.Lermontov pen Dáýletkereı kósheleriniń qıylysynda bolǵan.

Oblystyq onkologııalyq dıspanserdiń «ÝAZ» avtokóligi basty kóshemen (M.Lermontov) kele jatqan. Ony «Shevrole Kobalt» avtokóligi ótkizbeı, túıisken.

Sonyń saldarynan sanıtarlyq kólik tóńkerilip qalǵan.

Oqıǵa ornynan 4 adam aýrýhanaǵa jetkizilgen.

BQO densaýlyq saqtaý basqarmasy baspasóz qyzmetiniń naqtylaýynsha, sanıtarlyq avtokólik naýqasty aýrýhanaǵa apara jatqan.

Onda naýqastan basqa dáriger, kýrer jáne júrgizýshi bolǵan. Aýyr jaraqattary joq.

Dárigerlik kómek kórsetilip, ambýlatorlyq em alýǵa jiberildi. Jeńil kóliktiń júrgizýshisi medıtsınalyq kómekten bas tartty.

Eske sala keteıik, budan buryn Batys Qazaqstanda tórt adamdy jaraqattaǵan qasqyrdyń qutyrǵan bolyp shyqqanyn jazǵan edik.