Oralda mektepke kirgen alaıaq oqýshynyń telefonyn alyp ketken

ORAL. QazAqparat – Batys Qazaqstan oblysynda alaıaq mektepke kirip, oqýshynyń uıaly telefonyn alyp ketken, dep habarlaıdy QazAqparat Rolisia.kz-ke silteme jasap.

«Oqıǵa Oral qalasyndaǵy mektepterdiń birinde boldy. 26 jastaǵy áıel mekteptiń artqy esiginen kirip, dálizde ótip bara jatqan 4-synyp oqýshysyn toqtatqan. Ózin pedagog retinde tanystyryp, uıaly telefonyn alǵan. Oqýshyǵa mektepte komıssııa músheleri júrgenin, dálizde uıaly telefon ustaýǵa bolmaıtynyn, zaty keıin ózine qaıtarylatynyn aıtqan», - delingen polıtsııa habarlamasynda.

Alaıaqtyń artqy esikten mektepke kirgen sáti vıdeobaqylaý kamerasyna túsip qalǵan.
«Kúdikti retinde 26 jastaǵy áıel ustaldy. Qylmystyq kodekstiń 190-baby «Alaıaqtyq» boıynsha sotqa deıingi tergeý amaldary júrip jatyr», - dep naqtylady polıtsııadan.

Vıdeodan alynǵan kadr