Oralda maıdangerlerge qurmet kórsetildi

ORAL. QazAqparat - Oraldaǵy Saltanat saraıynda soǵys jáne eńbek ardagerleri bas qosyp, olarǵa qurmet kórsetildi, dep habarlaıdy «QazAqparat» tilshisi.

Jıyndy ashqan oblys ákimi Altaı Kólginov ardagerlerdi Uly Jeńistiń 72 jyldyǵymen quttyqtap, aǵa býynnyń erligi men eńbegi el jadynda árdaıym saqtalatynyn, keıingi urpaq úshin máńgi óshpes ónege ekendigin atap ótti.



Batys Qazaqstan oblysynan Uly Otan soǵysyna 76 myń 600-den astam adam attansa, sonyń teń jartysyndaıy maıdan dalasynan oralmady. Qyryqqa jýyq batysqazaqstandyq Keńes Odaǵynyń Batyry ataǵyna ıe bolsa, altaýy jaýyngerlik Dańq ordeniniń tolyq ıegeri atandy.



Saltanatty jıynǵa kelgen 37 ardagerge komandır saǵaty men gúl shoqtary tabys etildi.

Maıdangerler Ivan Gapıch, Qalam Súıinshálıev, Alevtına Mıtrohına, Ysqaq Ótepov estelikterimen bólisip, Uly Jeńistiń ońaılyqpen kelmegenin aıtyp, Elbasy men memleket tarapynan kórsetilip otyrǵan qoldaý-kómekke rızashylyqtaryn bildirdi.



Ardagerler qurmetine batysqazaqstandyq ártister óz ónerlerin kórsetti.