Oralda mas kúıinde kólik tizgindegen júrgizýshi polıtseıge qarsylyq tanytty

<p>ASTANA. KAZINFORM &ndash; Oralda mas kúıinde kólik tizgindegen júrgizýshi polıtseıge qarsylyq tanytyp, baǵynǵysy kelmegen. Bul týraly POLISIA.KZ saıty jazdy.&nbsp;</p>

8 maýsym kúni tańerteń patrýldik polıtsııa Ihsanov kóshesinde Lexus avtokóligin toqtatady. Avtokólik júrgizýshisi men onyń jolaýshysy ekeýi de mas kúıinde bolǵan.

«Júrgizýshini medıtsınalyq mekemege jetkizbek bolǵan tártip saqshylaryna kóliktegi jolaýshy kedergi keltirip, baǵynbaǵan. Saraptama nátıjesi boıynsha Lexus júrgizýshisi orta dárejeli mas kúıde bolǵany anyqtaldy. Ol ákimshilik jaýapkershilikke tartyldy», — delingen habarlamada. 

Materıaldar tıisti sheshim qabyldaý úshin sotqa joldandy.

Polıtsııa qyzmetkerlerine baǵynbaǵany úshin jolaýshyǵa qatysty qylmystyq is qozǵaldy. Ol ýaqytsha ustaý ızolıatoryna qamaýǵa alyndy. Tergeý júrgizilip jatyr.