Oralda mas kúıinde aıaldamanyń terezesin syndyrǵan er adam ustaldy
BQO polıtsııa departamentiniń baspasóz qyzmetinen málim etkenindeı, er adam S.Tıýlenın aıaldamasynda osyndaı áreketke mas kúıinde barǵan.
«Ýchaskelik polıtsııa ınspektorlary qolǵa túsirgen kezde er adam mas kúıinde boldy. Keltirilgen zalal kólemi – 150 myń teńge. Qazirgi kezde QR QK 293-baby 1-bóligine (buzaqylyq) sáıkes sotqa deıingi tergeý amaldary júrgizilýde. Atalǵan bap boıynsha aıypty dep tanylǵan adam 500-den 2 myń aılyq eseptik kórsetkishke deıingi mólsherde aıyppul salýǵa ne sol mólsherde túzeý júmystaryna ne úsh júzden alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady», - dep habarlady vedomstvodan.
Eske sala keteıik, budan buryn BQO-da kólik qaǵyp ketken er adamnyń kóz jumǵanyn jazǵan bolatynbyz.