Oralda LADA Samara úsh avtomobıldi soǵyp ketti

ORAL. QazAqparat  - Oralda 4 avtokólik soqtyǵysyp, eki adam jaraqat aldy, dep habarlaıdy QazAqparat tilshisi.

Oqıǵa keshe keshkisin Eýrazııa dańǵyly boıynda oryn aldy.

Muz aıdyny saraıy tusynda «VAZ-2114» (LADA Samara) avtokóligi áýeli «Nıssan Almera», sosyn qarsy betke shyǵyp ketip, «Folksvagen Vento», «Hendaı» avtokólikterimen soqtyǵysqan.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge shaqyrtý saǵat 20.05-te túsken. Jedel járdem kóligi 5 mınýttan keıin jetkenimen, zardap shekkender aýrýhanaǵa barýdan bas tartqan. Sodan keıin saǵat 20.42-de qaıtadan shaqyrtylǵan. Denesi kógerip, jaraqat alǵan 30 jastaǵy jigit pen 26-daǵy kelinshek oblystyq klınıkalyq aýrýhanaǵa jetkizildi.

Qazirgi kezde oqıǵanyń jaı-japsary anyqtalýda.

Eske sala keteıik, keshe Eýrazııa dańǵylynda dál osy mańda qos kólik soqtyǵysyp, eki adamnyń jaraqat alǵanyn jazǵan bolatynbyz.