Oralda qujattary joq 1,5 mln qorap temeki joıyldy

<p>Qarjylyq monıtorıng agenttiginiń Batys Qazaqstan oblysy boıynsha departamenti sáıkestendirý qujattary joq quny 967 mln teńgeden asatyn 1,5 mln astam qorap temekini joıdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Eske salaıyq, buǵan deıin departament sotqa deıingi tergep-tekserý júrgizip, eki ólshemdi matrıtsalyq shtrıhkodsyz temeki ónimderin satatyn adamdar tobyn anyqtaǵan bolatyn.

Sot úkimimen olar qylmystyq jaýapqa tartyldy, al tárkilengen temeki joıyldy», - delingen QR QMA málimetinde.

Sondaı-aq taǵy bir is boıynsha sot zattaı dáleldemelerdi, atap aıtqanda tıisti qujattarsyz zańsyz kásipkerlik qyzmetti anyqtaý nátıjesinde tárkilengen temekilerdi (DataMatrix-i bar) satý týraly QMA BQO boıynsha departamentiniń ótinishin qanaǵattandyrdy.

«Satylymnan túsken 84 mln teńge somasyndaǵy qarajat sotqa deıingi tergep-tekserý aıaqtalǵannan keıin sot sheshimi boıynsha memleket kirisine aýdaryldy», - delingen baspasóz baıanynda.