Oralda qubyrdaǵy apat saldarynan 11 myńnan astam abonent sýsyz qaldy
12:54, 16 Qarasha 2021
ORAL. QazAqparat – Oral qalasynda sý qubyrynda apat oryn aldy, dep habarlaıdy QazAqparat tilshisi.
«Batys sý arnasy» JShS baspasóz qyzmeti málim etkenindeı, oqıǵa 16 qarasha kúni Ábilqaıyr han dańǵyly 159-mekenjaıynda boldy.
«Qazirgi kezde apatty joıý úshin qalanyń kommýnaldyq qyzmetterimen kelisý jumystary júrgizilýde. Apat saldarynan «Qurylysshy», «Soltústik-shyǵys» jáne 4-shaǵynaýdandaǵy kópqabatty turǵyn úıler, barlyǵy 11 462 abonent sýsyz qaldy. Sý qubyryn búgin retke keltirý oılastyrylýda», dep habarlady vedomstvodan.
Eske sala keteıik, budan buryn Oralda jol apatynan bes adamnyń zardap shekkenin jazǵan bolatynbyz.