Oralda qubyr jarylyp, 13 kópqabatty úı sýsyz qaldy

ORAL. QazAqparat - Oralda qubyr jarylyp, 13 kópqabatty úı sýsyz qaldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 14.10-da Qurmanǵazy kóshesi 179-mekenjaıy mańynda boldy.

Dıametri 300 mm salqyn sý qubyry jaryldy. Sonyń saldarynan 343 abonent (13 kópqabatty jáne 10 jeke turǵyn úı), temirjol vokzaly sýsyz qaldy.

Sý tasymaly uıymdastyryldy. «Batys sý arnasy» JShS (7 qyzmetker, 2 tehnıka) qalpyna keltirý jumystarymen aınalysýda.

Keshe Soltústik-shyǵys jáne 4-shaǵynaýdandar arasynda da osyndaı apat bolyp, 1128 abonent sýsyz qalǵan bolatyn. «Batys sý arnasy» JShS baspasóz qyzmeti qalpyna keltirý jumystary atqarylyp, 4-shaǵynaýdanǵa sý berilgenin habarlady.

Eske sala keteıik, budan buryn Oralda qubyr jarylyp, 350-ge jýyq abonenttiń sýsyz qalǵanyn jazǵan bolatynbyz.