Oralda kópirden sekirmek bolǵan er adam qutqaryldy
BQO polıtsııa departamentiniń baspasóz qyzmeti málim etkenindeı, oqıǵa 19 sáýir kúni shamamen saǵat 15.11-de 2-baza aýdanyndaǵy kópirde boldy.
Kópirden er adamnyń sekirip ketpek bolyp turǵanyn sol mańnan ótip bara jatqandar habarlaǵan.
Er adamdy mundaı qadamǵa barýdan raıynan qaıtarǵan BQO polıtsııa departamenti bastyǵynyń birinshi orynbasary Janbolat Janshın qutqaryp qaldy.
Ýchaskelik polıtsııa ınspektorynyń sózine qaraǵanda, er adam budan buryn birneshe ret urlyq jasaǵany jáne avtokólik rýline mas kúıinde otyrǵany úshin jaýapkershilikke tartylǵan.
«Ol polıtsııa qyzmetkerleriniń qýdalaýynan keıin kópirden sekirmek bolǵanyn jetkizgen. Alaıda bul shyndyqqa sáıkes kelmeıdi. Er adamdy medıtsınalyq kýálandyrýǵa alyp ketti. Aldyn ala málimetke qaraǵanda, ol mas kúıinde bolǵan», dep habarlady vedomstvodan.