Oralda kollektordaǵy apat saldarynan qalanyń edáýir bóligi sýsyz qaldy

ORAL. QazAqparat  - Oralda kollektordaǵy apat saldarynan qalanyń edáýir bóligi sýsyz qaldy, dep habarlaıdy QazAqparat tilshisi.

«Batys sý arnasy» JShS dırektorynyń birinshi orynbasary Salaýat Aıbatovtyń aıtýynsha, M.Sholohov kóshesi boıynda tańerteń kollektorda topyraq opyrylyp ketken. Sonyń saldarynan 4, 5, 6, 7, 9, «Qurylysshy», «Soltústik-Shyǵys» shaǵynaýdandary, qalanyń ortalyq bóligi sýsyz qaldy,

«Qazirgi kezde qalpyna keltirý jumystary júrgizilýde. Káriz qubyry 7 metr tereńdikte eken. Soǵan jetkennen keıin jóndep, sýdy qosýǵa tyrysamyz», - dedi «QazAqparat» tilshisine S.Aıbatov.