Oralda kólikti aıdap ketken 19 jastaǵy kúdikti beınekamera kómegimen ustaldy
BQO polıtsııa departamentiniń baspasóz qyzmetinen málim etkenindeı, oqıǵa 21 qarasha kúni Zachagan kentinde boldy.
Saǵat 10.30-da Shaǵan polıtsııa bólimine 1980 jylǵy turǵyn habarlasyp, Jáńgir han kóshesindegi turǵyn úıdiń aýlasyna qoıylǵan «VAZ-2112» avtokóligin belgisiz bireýdiń aıdap ketkenin jetkizgen.
«Aqparat kelip túsken boıda «Tosqaýyl» jospary jarııalandy. Oral qalasy polıtsııa basqarmasy jedel basqarý ortalyǵyndaǵy kameralardyń kómegimen avtokóliktiń qozǵalý baǵyty anyqtaldy. Kóp uzamaı-aq avtokólik qala aýmaǵynda tabylyp, ıesine qaıtaryldy. Qolǵa túsken 19 jastaǵy kúdiktige qatysty QR QK 200-baby 1-bóligine (avtokólikti aıdap ketý) sáıkes sotqa deıingi tergeý amaldary júrgizilýde», dep habarlady vedomstvodan.
Departamentten túsken málimetke qaraǵanda, jyl basynan beri oblys ortalyǵynda beınebaqylaý kameralarynyń kómegimen barlyǵy 137 qylmys ashylsa, sonyń jeteýi – urlyq, 20-sy – tonaý, 17-si – avtokólikti jymqyrý, 20-sy – buzaqylyq, 73-i – ózge qylmystar.