Oralda kólik alyp beremin dep 2 turǵynnyń 5,3 mln teńgesin ıemdengen alaıaq ustaldy

<p>ORAL. KAZINFORM &ndash; Oral qalalyq polıtsııa basqarmasy Abaı polıtsııa bóliminiń qyzmetkerleri alaıaqtyqpen aınalysqan 29 jastaǵy qala turǵynyn ustady.&nbsp;</p>

BQO polıtsııa departamentiniń baspasóz qyzmetinen málim etkenindeı, atalmysh kúdikti 39 jáne 41 jastaǵy qala turǵynynyń senimine kirip, «kólik alyp beremin» dep, birinen 2,7 mln, ekinshisinen 2,6 mln (ekeýin qosqanda, 5,3 mln) teńgesin ıemdenip alǵan. 

«Sonymen qatar jedel izdestirý is-sharalary barysynda oraldyqtardy aldady degen kúdikpen 41 jastaǵy qala turǵyny tergelýde. Aldyn ala tergeý barysynda atalǵan er adamnyń Krisha.kz saıtyna naryq qunynan tómen baǵada páterdi jalǵa berý týraly habarlandyrýlar jarııalaǵany belgili boldy. Ol shuǵyl aqsha qajet dep jáne páter jaldaýǵa nıet bildirgenderdiń kóptigin syltaýratyp, jábirlenýshilerden 20 myńnan 150 myń teńgege deıin aldyn ala tólem aýdarýdy suraǵan. Tipti respýblıkanyń basqa qalalarynan da aqsha aýdarǵandar bolǵan. Búginge deıin bul alaıaqtyń qarmaǵyna túsken 5 azamat polıtsııaǵa júgindi. Qazirgi tańda atalǵan derekter boıynsha QR QK 190-baby 3-bóligine (alaıaqtyq) sáıkes sotqa deıingi tergeý amaldary júrgizilip, jábirlenýshilerge keltirilgen zalal kólemi naqtylanýda», - dep habarlady vedomstvodan. 

Departament málimeti boıynsha bıylǵy 6 aıda Oral qalasynda 374 alaıaqtyq deregi tirkelse, sonyń 200-ge jýyǵy ǵana ashylǵan. Sonyń ishinde 197-si ınternet arqyly jasalǵan. 

Polıtsııa qyzmetkerleri tarapynan alaıaqtyq qylmystarynyń aldyn alý jáne boldyrmaý baǵytynda birqatar jumys atqarylýda. Atap aıtqanda, 23 298 adam @cyberpolice_zko akkaýntyna tirkelse, nesıe alýdan erikti túrde bas tartqan 46 648 turǵynnyń esepshoty eGov saıty boıynsha buǵattalǵan. Oǵan qosa 115 myńǵa jýyq zeınet jasyndaǵy jáne basqa adamdardyń úı-jaılarynda, muǵalimder men dárigerlerdiń jumys ornynda túsindirý jumystary júrgizildi. Soǵan qaramastan, alaıaqtardyń quryǵyna ilingender sany azaıar emes.