Oralda kólik aǵashqa soǵylyp, 2 adam qaza tapty
18:05, 30 Qyrkúıek 2023
<p>Oral qalasynda avtokólik aǵashqa soǵylyp, eki adam qaza tapty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>
BQO Polıtsııa departamenti baspasóz qyzmetinen túsken málimetke qaraǵanda, oqıǵa Derkól kentinde boldy.
"30 qyrkúıek kúni shamamen saǵat 00.20-da 29 jastaǵy júrgizýshi "Mersedes Bents" avtokóliginiń rýline ıe bola almaı qalyp, V.Dal kóshesi, 9-úı janynda jol shetindegi aǵashqa soǵylǵan. Saldarynan júrgizýshimen birge 58 jastaǵy er adam oqıǵa ornynda kóz jumdy. 33 jastaǵy taǵy bir jolaýshy oblystyq aýrýhanaǵa jetkizildi.
Kólik arnaıy turaqqa qoıyldy. Qazirgi kezde QR Qylmystyq kodeksiniń 345-baby 4-bóligine sáıkes sotqa deıingi tergeý amaldary júrgizilip jatyr. Oqıǵanyń jaı-japsary anyqtalý ústinde", –dep habarlady vedomstvodan.
Eske sala keteıik, budan buryn Batys Qazaqstan oblysynda jol apatynan eki júrgizýshi mert bolǵanyn jazǵan edik.