Oralda kóligine zaqym kelgen turǵyn 9,2 mıllıonnan astam teńge óndirip aldy

<p>ORAL. KAZINFORM &ndash; Kóligine zaqym kelgen Oral qalasynyń turǵyny shyǵyndy sot arqyly óndirip aldy.&nbsp;</p>

BQO sotynyń baspasóz qyzmeti málim etkenindeı, 2024 jyldyń 19 qańtarynda birneshe avtokóliktiń qatysýymen jol-kólik oqıǵasy bolǵan. Sonyń ishinde atalǵan turǵynnyń kóligine de zaqym kelgen. Oqıǵaǵa kináli retinde №1 qalalyq emhana ataldy. 

Talap qoıýshy saqtandyrý kompanııasyna júgingen kezde zaqym 2 mln 329,727 myń teńgege baǵalanǵan. Alaıda talapker bul eseppen kelispeı, baǵalaý kompanııasyna júgingen. Kompanııa shyǵyndy 8 mln 854,617 myń teńge dep baǵalaǵan. Jaýapker qalalyq emhana men saqtandyrý kompanııasy bul talappen kelispeı, talap aryzdy qanaǵattandyrýdan bas tartýdy surady.

- Qalpyna keltirý-jóndeý jumystarynyń qunyn anyqtaý maqsatynda sot taǵaıyndaǵan sot-taýar saraptamasy keltirilgen zaqym qunyn 9 mln 237,639 myń teńgege baǵalady. Sot osy kólemde materıaldyq shyǵyndy óndirý týraly sheshim shyǵardy. Onyń ishinde qalalyq emhanadan 7 mln 892,463 myń teńge, saqtandyrý kompanııasynan 2 mln 439,198 myń teńge óndiriletin boldy. Sheshim zańdy kúshine endi, - dep habarlady vedomstvodan.

Eske sala keteıik, budan buryn Oral qalasynyń turǵyny avtosalonnan 2,2 mln teńge óndirip alǵanyn jazǵan bolatynbyz.