Oralda kóktaıǵaqqa baılanysy qoǵamdyq kólikter toqtatyldy

<p>ORAL. KAZINFORM &ndash; Oralda qolaısyz aýa raıyna baılanysty barlyq baǵyttaǵy qoǵamdyq kólik jergilikti saǵat 11.00-ge deıin toqtatyldy.</p>

Oral qalasy ákimdiginen málim etkenindeı, qazirgi ýaqytta kóshelerge qum-tuz qospasy sebilýde. 

«Joldar qalypqa kelgen soń, qoǵamdyq kólik avtobýstary jelige shyǵady. Ýaqytsha qolaısyzdyq úshin keshirim suraımyz», - delingen habarlamada.

Sonymen qatar Oral qalasy bilim berý bólimi kóktaıǵaqqa jáne qoǵamdyq kólikterdiń toqtaýyna baılanysty 1 aýysymda sabaqtyń onlaınǵa aýystyrylǵanyn jetkizdi.

Foto: Kazinform

Turǵyndardyń sózine qaraǵanda, qoǵamdyq kólikterdiń júrmeýine baılanysty taksı baǵasy sharyqtap ketken.

Eske sala keteıik, budan buryn Batys Qazaqstanda aýa raıynyń nasharlaýyna baılanysty 7 jol ýchaskesi jabylǵanyn jazǵan bolatynbyz.