Oralda qoqys polıgonynan taǵy da órt shyqty
22:23, 10 Maýsym 2024
<p>ORAL. KAZINFORM — Oral qalasy Zachagan kentinen 15 shaqyrym qashyqta ornalasqan turmystyq qatty qaldyqtar polıgonynda taǵy da órt boldy.</p>
BQO TJ departamentiniń baspasóz qyzmetinen málim etkendeı, 7 maýsym kúni saǵat 23.30-da 300 sharshy metr aýmaqta qoqys jandy.
«ICM Recycling» JShS teńgerimindegi polıgonnyń jalpy aýdany — 37 gektar.
«10 maýsym kúngi saǵat 17.20-daǵy málimet boıynsha „tilsiz jaýdy“ aýyzdyqtaýǵa 9 adam, 6 tehnıka jumyldyryldy. Janǵan aýmaq 8 maýsym kúni saǵat 02.16-da oqshaýlanǵanymen, áli byqsyp jatyr. Búgin kómekke qosymsha 6 adam, 4 tehnıka jiberildi» dep habarlady vedomstvodan.
Polıgonnan shyqqan tútin alystan kórinip tur.
Eske sala keteıik, budan buryn Oralda turmystyq qaldyqtar polıgonynda órttiń áli byqsyp jatqanyn jazǵan bolatynbyz.