ORAL. KAZINFORM — Batys Qazaqstan oblysy aýmaǵynda Qazaqstan Respýblıkasynyń Іshki ister mınıstrligi jáne TMD-ǵa qatysýshy memleketterdiń quqyq qorǵaý organdary izdestirip jatqan kúdiktiler men habar-osharsyz ketken azamattardyń turǵan jerin anyqtaý jáne ustaý maqsatynda «Іzdestirý» jedel-aldyn alý is-sharasy ótkizildi.
BQO polıtsııa departamentiniń baspasóz qyzmetinen málim etkenindeı, 2025 jyly naýryz aıynda Oral qalasynda jasalǵan páter urlyǵy boıynsha Armenııa Respýblıkasynyń eki azamaty izdeýde bolǵan.
Jedel-aldyn alý is-sharasy barysynda atalǵan eki kúdikti Erevan qalasynda anyqtalyp, ustaldy.
- Jalpy, eki kún ishinde júrgizilgen is-shara nátıjesinde 17 kúdikti qolǵa tústi. Onyń ishinde tórteýi Batys Qazaqstan oblysy polıtsııa departamenti tarapynan aýyr qylmystar jasaǵany úshin izdestirilse, 11-i Reseı Federatsııasynyń, sondaı-aq bir-birden Ózbekstan men Qyrǵyz Respýblıkasynyń quqyq qorǵaý organdarymen izdeýde bolǵan. Sonymen qatar Oral qalasy aýmaǵynda buryn habar-osharsyz ketken dep tanylǵan 3 azamattyń turǵan jeri anyqtaldy, - dep habarlady vedomstvodan.
Eske sala keteıik, budan buryn Batys Qazaqstanda 180-nen astam zańsyz qoqys orny anyqtalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).