Oralda kásipkerdi óltirgen eki turǵynǵa 10 jyldan jaza kesildi

<p>ORAL. KAZINFORM &mdash; Oral qalalyq sotynda QR QK 106-baby 3-bóligine sáıkes E. jáne N-ǵa qatysty qylmystyq iske núkte qoıyldy.</p>

BQO sotynyń baspasóz qyzmetinen málim etkenindeı, sot úkimimen atalǵan eki sottalýshy QR QK 106-baby 3-bóligine (abaısyzda jábirlenýshiniń ólimine ákep soqqan densaýlyqqa qasaqana zııan keltirý) sáıkes aıypty dep tanylyp, árqaısysyna 10 jyl bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý jazasy kesildi.  Sondaı-aq sotqa berilgen qujattarǵa sákes jábirlenýshilerdiń materıaldyq jáne moraldyq zalaldy óndirý týraly talap-aryzy ishinara qanaǵattandyryldy.

Sot talqysynda málim bolǵanyndaı, ótken jyly 11 qarashada shamamen saǵat 04.00-de sottalýshylar mas kúıinde saýna aýmaǵynda buryn tanys emes «Car City» ıesi, kásipker Sergeı Gýberdi kórgen.

Saýnadan shyqqan S.Gýber avtokólik nómirin óziniń uıaly telefonyna túsire bastaǵan. Keıin atalǵan ekeý fotony joıyp jiberýdi ótingende, ol bas tartqan. Sodan sózge kelip, sottalýshylar jábirlenýshige dene jaraqattaryn salǵan. Saldarynan S.Gýber esin jımastan aýrýhanada kóz jumǵan.

Sot úkimi kúshine engen joq.