Oralda qarjy pıramıdasyn uıymdastyrýshylar 12,6 mln astam teńgeni jymqyrǵan

ORAL. QazAqparat – Oralda qarjy pıramıdasyn uıymdastyrýshylarǵa qatysty qylmystyq ister tergelip jatyr, dep habarlaıdy QazAqparat tilshisi.

BQO boıynsha ekonomıkalyq tergep-tekserý departamentinen málim etkenindeı, «SENIMDI UI» tutyný kooperatıvi retinde qarjy pıramıdasyn uıymdastyrýshylar 2021 jyldyń tamyz aıynan bastap jeke adamdardan 12 mln 675 myń teńgeni tartqan.

Qazirgi kezde QR QK 217-baby 2-bóligine sáıkes qylmystyq is tergelip jatyr.

Sondaı-aq ótken jyldyń naýryz aıynan bastap krıptovalıýta salasyndaǵy ınvestıtsııalyq startap joba retinde «Relictum-pro» qarjy pıramıdasy uıymdastyrylǵan.

Bul pıramıda boıynsha QR QK 217-baby 2-bóligi 1, 4-tarmaqtaryna sáıkes qylmystyq is tergelýde.

«Eger turǵyndar atalǵan qarjy pıramıdalarynyń zańsyz qyzmetinen zardap shekse, BQO boıynsha ekonomıkalyq tergep-tekserý departamentine [phone] telefony arqyly habarlasa alady. Aıta ketý kerek, pıramıdanyń negizgi maqsaty – jańa qatysýshylardy tartý. Ádette, pıramıdanyń negizin qalaýshy qomaqty somany jınaǵannan keıin tóleýdi toqtatady jáne barlyq aqshany alyp, izin jasyrady», dep habarlady vedomstvodan.