Oralda karateden halyqaralyq jarysta jeńimpaz-júldegerler anyqtaldy

<p>ORAL. KAZINFORM &ndash; Oral qalasyndaǵy tennıs ortalyǵynda Keńes Odaǵynyń Batyry Mánshúk Mámetovany eske alýǵa arnalǵan karate WKF-ten jasóspirimder, kadetter, jastar jáne eresekter arasynda &laquo;AQJAIYQ OPEN&raquo; IH halyqaralyq týrnıri máresine jetti.</p>

Atalǵan týrnırge Qazaqstan oblystary men qalalarynan, sondaı-aq kórshiles Reseı elinen 850-ge jýyq sportshy qatysyp, baq synady.

Karateden BQO quramasynyń aǵa jattyqtyrýshysy Rınat Merǵalıevtiń aıtýynsha, jalpykomandalyq esepte 15 altyn, 17 kúmis, 24 qola medalmen Mańǵystaý oblysynyń sportshylary top jardy.

Foto: BQO dene shynyqtyrý jáne sport basqarmasy

Jambyl oblysy quramasy (10 altyn, 3 kúmis, 9 qola) ekinshi orynǵa ıe bolsa, batysqazaqstandyq karateshiler (8 altyn, 5 kúmis, 13 qola) úzdik úshtikti túıindedi. 

Almaty qalasy (8 altyn, 5 kúmis, 3 qola) tórtinshi orynǵa taban tirese, Shymkent (5 altyn, 9 kúmis, 9 qola) besinshi, Astana (4 altyn, 3 kúmis, 10 qola) altynshy satyǵa ornyqty.

Foto: BQO dene shynyqtyrý jáne sport basqarmasy

«Básekelestik deńgeıi joǵary bolǵan týrnır qorytyndysynda álem jáne Azııa chempıonatynda el namysyn qorǵaıtyn karateshiler anyqtaldy»,-dedi R.Merǵalıev.

Foto: BQO dene shynyqtyrý jáne sport basqarmasy