Oralda KamAZ júk kóligi avtobýspen soqtyǵysty

ORAL. QazAqparat – Oral qalasynda «KamAZ» júk kóligi avtobýspen soqtyǵysty, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkendeı, oqıǵa búgin shamamen saǵat 15.00-de Syrym Datuly kóshesinde bolǵan.

«KamAZ» júk kóliginiń 1987 jylǵy júrgizýshisi «Dına» gıpermarketi mańynda jol qozǵalysy qaýipsizdigin qamtamasyz etpeı, №39 baǵytta júretin avtobýspen túıisken.

Avtobýsta júrgizýshige qosa 8 adam bolǵan.

Eki júrgizýshi de medıtsınalyq kýálandyrýdan ótti, qorytyndysy keıin anyqtalady.

«Zardap shekkender medıtsınalyq kómek kórsetilgennen keıin úılerine jiberildi. Jol-kólik oqıǵasyn jasaǵan «KamAZ» júk kóliginiń júrgizýshisine qatysty QR Ákimshilik quqyqbuzýshylyq kodeksi 610-babyna sáıkes ákimshilik hattama toltyryldy», - dep habarlady vedomstvodan.

Qazirgi kezde oqıǵanyń jaı-japsary anyqtalyp jatyr.