Oralda KamAZ jeńil kólikpen soqtyǵysty

ORAL. QazAqparat – Oral qalasynda bir kúnde eki jol-kólik oqıǵasy tirkeldi, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, 5 qazan kúni saǵat 18.30-da 42 jastaǵy júrgizýshi «KamAZ» avtokóligimen Oral-Jelaev joly boıynda Jelaev kentine qaraı burylysta jol bermeı, «Sang ıÝng» avtokóligimen soqtyǵysqan.

Sonyń saldarynan «Sang ıÝng» avtokóliginiń 48 jastaǵy júrgizýshisi men 1976 jyly týǵan jolaýshy oblystyq kópbeıindi aýrýhanaǵa jetkizildi. Júrgizýshi áıel dárigerler qaraǵannan keıin úıine jiberildi. 45 jastaǵy jolaýshy áıel jansaqtaý bólimshesine jatqyzyldy.

Sondaı-aq saǵat 17.30-da osy Oral-Jelaev jolynda jaıaý júrginshi zardap shekti. 24 jastaǵy júrgizýshi «VAZ-2114» avtokóligimen Rýjeınıkov kóshesimen kele jatyp, 1983 jylǵy júrgizýshi aıdaǵan «BMV-520» avtokóligimen túıisýge jol bergen. Sonyń saldarynan «BMV-520» avtokóligi joldan shyǵyp ketip, jol jıeginde ketip bara jatqan 49 jastaǵy áıeldi qaqqan. Dárigerler qaraǵannan keıin áıel oblystyq kópbeıindi aýrýhananyń jaraqat bólimshesine jatqyzyldy.

Barlyq kólikter arnaıy turaqqa qoıyldy.

Eki oqıǵa boıynsha QR QK 345-baby 1-bóligine sáıkes sotqa deıingi tergeý amaldary júrgizilýde.

Eske sala keteıik, budan buryn Oralda 18 jastaǵy júrgizýshiniń keıýanany qaǵyp, mert qylǵanyn jazǵan bolatynbyz.