Oralda KamAZ kóligi qaqqan áıel kóz jumdy
23:34, 25 Qyrkúıek 2023
<p><span style="font-family: sans-serif; font-size: 18px;">Oral qalasynda «KamAZ» avtokóligi qaǵyp ketken áıel kóz jumdy, dep habarlaıdy QazAqparat tilshisi.</span></p>
BQO polıtsııa departamentiniń baspasóz qyzmetinen málim etkenindeı, oqıǵa 25 qyrkúıek kúni M.Sholohov kóshesi boıynda boldy.
«Saǵat 09.30-da 1971 jylǵy júrgizýshi «KamAZ» avtokóligimen «Altyn alma» bazarynyń tusynda 53 jastaǵy áıeldi qaǵyp ketken. Jaıaý júrginshi belgilenbegen jerden joldy kesip ótpekshi bolǵan. Jol apaty saldarynan túrli jaraqat alǵan áıel aýrýhanaǵa jetkizilip, jansaqtaý bóliminde qaıtys boldy. Qazirgi kezde atalǵan derek boıynsha sotqa deıingi tergeý amaldary júrgizilýde» dep habarlady vedomstvodan.
Eske sala keteıik, budan buryn Oralda 1 jasar qyzdyń tórtinshi qabattan qulap ketkenin jazǵan bolatynbyz.