ORAL. QazAqparat – Oralda iz-túzsiz joǵalyp ketken 21 jastaǵy jigit úsh kúnnen beri izdestirilip jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkenindeı, 21 jastaǵy Farhat Kákımýllıev 21 jeltoqsan kúni shamamen saǵat 22.00-de Derkól kenti B.Maılın kóshesi 15-mekenjaıyndaǵy úıinen shyǵyp ketken.
Sodan úıine oralmaǵan, jumys istemeıdi. Týystary 24 jeltoqsanǵa qaraǵan túni polıtsııaǵa aryz túsirgen.
Belgileri – boıy 165-170 sm, aryqsha kelgen. Ústine qara palto, qara baskıim (fýrajka), sur djınsy, aıaǵyna qara tústi báteńke kıgen. Ózinde 8-706-820-20-01 nómirli uıaly telefony bolǵan.
«Kórgen-bilgen adamdar bolsa, 102, 8-711-2-98-45-30 telefonyna qońyraý shala alady», dep habarlady vedomstvodan.
Eske sala keteıik, budan buryn Oralda avtokólik aıaldamaǵa soǵysyp, 64 jastaǵy júrgizýshiniń aýrýhanaǵa jetkizilgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).