ORAL. QazAqparat – Oralda iz-túzsiz ketken 39 jastaǵy er adam izdestirilip jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen málim etkendeı, Erlan Sarıev Oral qalasyndaǵy Ǵ. Qurmanǵalıev kóshesi, 1/3-úıde tirkelgen.
Reseıde turatyn anasynyń sózine qaraǵanda, balasymen jeltoqsan aıynda habar úzilgen. Uıaly telefony ajyratylǵan. Sol sebepti, anasy 8 qańtar kúni polıtsııaǵa júginip, izdeý saldy.
«Belgileri – azıat pishindes, boıy shamamen 170-175 sm, shashy qysqa qıylǵan. E. Sarıevti kórgen-bilgen jandar bolsa, Oral qalasy Gagarın kóshesi, 2/5-mekenjaıynda ornalasqan qalalyq polıtsııa basqarmasynyń kóshi-qon qyzmeti bólimine nemese 8 (7112) 92-17-26, 8-708-767-13-76 telefondaryna habarlasý suralady», - dep habarlady vedomstvodan.
Eske sala keteıik, budan buryn Oralda joǵalyp ketken 30 jastaǵy jigittiń bir aıdan beri tabylmaı jatqanyn jazǵan bolatynbyz. Onyń denesi 11 qańtarda toǵaıda asýly turǵan kúıinde tabyldy.
Foto: BQO polıtsııa departamenti
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).