Oralda grant alǵandar qarjyny basqa maqsatqa jumsaǵany anyqtaldy

<p>Oral qalasynyń prokýratýrasy qalalyq jumyspen qamtý ortalyǵyn tekserý barysynda &laquo;Jańa bıznes-ıdeıalardy iske asyrýǵa arnalǵan granttar&raquo; memlekettik baǵdarlamasyn iske asyrý kezinde buzýshylyqtardy anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oral qalasy prokýrorynyń orynbasary Almas Ońaevtyń málim etkenindeı, granttyń 14 qatysýshysy aqshany maqsatty paıdalanýdy rastaý úshin buryn soıýǵa jiberilgen, týystaryna tirkelgen úı janýarlaryn satyp alý, usaq maldy satyp alý týraly jalǵan qujattardy, taýarlyq chekterdi usynǵan.

Osylaısha, bıznes-joba úshin grant alǵan adamdardyń kásipkerlik qyzmetti júzege asyrmaǵany anyqtaldy.

«Prokýrorlyq qadaǵalaý aktisin qaraý nátıjesi boıynsha sot tártibimen 8 qatysýshydan 5,1 mln teńge mólsherinde somany óndirip alý týraly talaptar qanaǵattandyryldy. Solardyń ekeýimen 2,4 mln teńgeni qaıtarý týraly bitimgershilik kelisim jasaldy. Taǵy tórt adam berilgen granttardyń somasyn memlekettik bıýdjetke erikti túrde ótep jatyr. Kúni búgin 6 tulǵa memlekettik bıýdjetke quny 4 mln teńgeden astam soma bolatyn, iske asyrylmaǵan grantty qaıtardy», - dedi A.Ońaev.