Oral qalasynda garaj ben shaǵyn avtobýs janyp ketti, dep habarlaıdy Kazinform.
BQO TJ departamentiniń baspasóz qyzmetinen málim etkenindeı, oqıǵa 5 jeltoqsan kúni jergilikti saǵat 21.50-de boldy.
Foto: BQO TJD«N.Chesnokov kóshesi boıynda garaj otqa orandy. Aldyn ala málimet boıynsha jalyn 70 sharshy metrdi sharpydy. Garajdyń ishinde shaǵyn avtobýs bolǵan. Zardap shekkender joq. «Tilsiz jaýdy» aýyzdyqtaýǵa órt sóndirý bólimderinen 14 adam jine 3 tehnıka jumyldyryldy. Órt saǵat 22.40-ta oqshaýlandy. Oqıǵa ornynda Oral qalasy TJ basqarmasy, zertteý-synaý órtke qarsy zerthanasy mamandary boldy», - dep habarlady vedomstvodan.
Eske sala keteıik, budan buryn Batys Qazaqstanda Atyraý men Aqtóbe baǵytyndaǵy joldar jabylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).