Oralda esirtkige eltigen turǵyn 4 mln teńgeniń avtokóligin aıdap ketken
BQO polıtsııa departamentiniń baspasóz qyzmeti málim etkenindeı, oqıǵa temirjol vokzaly aýdanyndaǵy avtoturaqta boldy.
Belgisiz bireý 31 jastaǵy turǵynǵa tıesili «Toıota Estıma» avtokóligin aıdap ketken. Keltirilgen zalal 4 mln teńgeni qurady.
Jedel izdestirý is-sharalary barysynda 1982 jylǵy turǵyn ustaldy.
Aldyn ala tergeý barysynda anyqtalǵanyndaı, esirtkige eltigen kúıinde avtokólikti aıdaǵan. Sonymen qatar ol buryn kólik basqarý quqyǵynan aıyrylǵan bolyp shyqty.
Avtokólik arnaıy turaqqa qoıylyp, kúdikti ýaqytsha ustaý ızolıatoryna qamaldy.
Qazirgi kezde QR QK 200-baby 1-bóligine (aıdap ketý) jáne 346-baby 1-bóligine (kólik quraldaryn basqarý quqyǵynan aıyrylǵan jáne alkogoldik, esirtkilik masań kúıdegi adamnyń kólik quralyn basqarýy) sáıkes sotqa deıingi tergeý amaldary júrgizilýde.