Oralda esirtki taratqan oqýshy 7 jylǵa sottaldy

ORAL. QazAqparat - Oralda esirtki taratqan 19 jastaǵy jigit pen 15 jastaǵy oqýshy sottaldy, dep habarlaıdy QazAqparat Polisia.kz saıtyna silteme jasap.

Osy jyldyń 2 naýryzynda Oral stantsııasynyń mańyn tekserý kezinde 15 jastaǵy jasóspirim men onyń 19 jastaǵy tanysy ustaldy. Olardyń oralǵan untaqty aǵash butaqtaryna jasyrǵandyǵy anyqtaldy. Saraptama qorytyndysyna sáıkes, ustalǵandardan alynǵan zat psıhotroptyq zat bolyp shyqty jáne onyń jalpy salmaǵy 11 gramdy qurady. Ustalǵandar «óz qyzmetin» Telegram arnalardyń biri arqyly júrgizgen.

Atalǵan fakti boıynsha Oral stantsııasyndaǵy jelilik polıtsııa bólimi QR Qylmystyq Kodeksiniń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tergeý júrgizdi.

Batys Qazaqstan oblysynyń qylmystyq ister jónindegi mamandandyrylǵan aýdanaralyq soty 19 jastaǵy sottalýshyǵa 10 jyl merzimge bas bostandyǵynan aıyrý jazasy taǵaıyndaldy, al onyń 15 jastaǵy sybaılasy 7 jyl 6 aıǵa bas bostandyǵynan aıyryldy.