ORAL. KAZINFORM – Batys Qazaqstan oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri Oral qalasynda jedel izdestirý is-sharalary barysynda 1974 jyly týǵan er adamdy ustady.
BQO polıtsııa departamentiniń baspasóz qyzmetinen málim etkenindeı, onyń turǵylyqty jerin tintý barysynda ózine tán ıisi bar jasyl tústi ósimdik tektes zat salynǵan zıp-paketter tabylyp, tárkilendi.
– Qazirgi kezde atalǵan derek boıynsha qylmystyq is qozǵalyp, tergeý amaldary júrgizilip jatyr. Qazaqstan Respýblıkasy Qylmystyq is júrgizý kodeksiniń 201-babyna sáıkes ózge aqparat jarııa etilmeıdi, - dep habarlady vedomstvodan.
Departament málimetine qaraǵanda, qoldanystaǵy zańnamaǵa sáıkes esirtki quraldaryn, psıhotroptyq zattardy jáne olardyń analogtaryn zańsyz satyp alý, saqtaý, tasymaldaý, ótkizý maqsatynda jóneltý ne ótkizý múlki tárkilene otyryp, 5 jyldan 8 jylǵa deıingi merzimge bas bostandyǵynan aıyrýmen jazalanady.
Eske sala keteıik, budan buryn Almatyda iri kólemde alaıaqtyq jasaǵan kúdiktiniń Oralda ustalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).