Oralda din salasyndaǵy áleýmettik jarnama baıqaýynyń júldegerleri marapattaldy
BQO din isteri basqarmasynyń din máselelerin zertteý ortalyǵy uıymdastyrǵan baıqaýǵa negizinen jastar qatysty. Olardy atalmysh basqarma basshysy Talǵat Nyǵmetov Táýelsizdiktiń 25 jyldyq torqaly toıymen quttyqtap, jastardyń dinı jat aǵymdarǵa ilesip ketpeýi úshin osyndaı sharalardy ótkizýdiń qajettiligin atap kórsetti.
Baıqaý qorytyndysynda «Úzdik áleýmettik baspa jáne syrtqy jarnama» atalymy boıynsha Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń stýdentteri Bıbol Serikqalıev pen Janar Bospanova úzdik atandy. Sondaı-aq «Úzdik áleýmettik rolık» atalymy boıynsha da osy ýnıversıtette oqıtyn Serikbolsyn Jeksenbaı birinshi oryndy ıelendi.
Jeńimpaz-júldegerlerge dıplomdar men syılyqtar tabys etildi.
Aıta keteıik, budan buryn BQO din isteri basqarmasynyń din máselelerin zertteý ortalyǵy Qazaqstan Respýblıkasynda dinı ekstremızm men terrorızmge qarsy is-qımyl jónindegi 2013-2017 jyldarǵa arnalǵan memlekettik baǵdarlamany júzege asyrý aıasynda «Rýhanııat» shyǵarmashylyq baıqaýyn bıyl óńirde ekinshi márte uıymdastyryp, onyń da jeńimpaz-júldegerlerin marapattaǵan bolatyn. Oǵan qosa QR Din isteri jáne azamattyq qoǵam mınıstrligi Din isteri komıteti 2016 jyly din salasyndaǵy máselelerdi jarııalaýda belsendilik tanytqan respýblıkadaǵy úzdik jýrnalıster qatarynda Batys Qazaqstan oblystyq «Oral óńiri» gazetiniń tilshisi Uldaı Sarıevanyń da eńbegin atap ótti.