Oralda destrýktıvti dinı aǵymdy jaqtaýshy turǵynǵa aıyppul salyndy

ORAL. QazAqparat - Ótken jyldyń jeltoqsan aıynda Oral qalasynyń destrýktıvtik dinı aǵymdy jaqtaýshy turǵyny ǵıbadat oryndarynyń birinde elimizdegi dástúrli Ábý-Hanıfa mazhabynyń talaptarymen kelispeıtinin bildirip, ımamǵa baǵynbaı, dinı rásimniń atqarylýyna kedergi keltirgen, dep habarlaıdy «QazAqparat» tilshisi.

BQO ishki ister departamentiniń baspasóz qyzmetinen túsken málimetke qaraǵanda, atalǵan turǵynǵa qatysty QR Ákimshilik quqyqbuzýshylyq kodeksi 490-baby 2-bólimine sáıkes ákimshilik materıal hattalyp, ol sotqa jiberildi.

Oral qalalyq mamandandyrylǵan ákimshilik sotynyń destrýktıvtik dinı aǵymdy jaqtaýshy turǵyn kináli dep tanylyp, oǵan 35 AEK kóleminde 79415 teńge aıyppul salyndy.