Oralda dáriger sottyń kómegimen baspanaǵa qol jetkizdi

<p>ORAL. KAZINFORM &ndash; Qala turǵyny ákimshilik sotqa Oral qalasy ákimi apparatynyń turǵyn úıdi usynbaýyn zańsyz dep tanyp, jaýapkerge memlekettik turǵyn úı qorynan turǵyn úı berýdi mindetteý týraly talap aryzben júgindi.</p>

BQO sotynan túsken málimetke qaraǵanda, talapkerdiń 33 jyldyq jumys ótili bar dáriger ekendigi, onyń óz baspanasynyń joqtyǵy, 15 jyl boıy jalǵa alynǵan turǵyn úıde turǵany, jaldaý merzimi aıaqtalǵany anyqtaldy.

«Buǵan deıin Oral qalasy boıynsha turǵyn úı komıssııasynyń sheshimimen talapkerge memlekettik turǵyn úı bólý qorynan qyzmettik páter bólingen bolatyn. Alaıda, osy ýaqytqa deıin komıssııanyń sheshimi oryndalǵan joq. Sot otyrysy barysynda taraptar tatýlasý týraly kelisimdi sottyń bekitýine usyndy, onyń sharttary boıynsha Oral qalasynyń ákimdigi talapkerge 2024 jylǵy 31 jeltoqsannan keshiktirmeı bir bólmeli nemese eki bólmeli páter túrinde memlekettik turǵyn úı qorynan turǵyn úı berýge mindettendi. Aıta ketetin jaıt, sottyń kelisimdi bekitý týraly uıǵarymyn oryndamaǵan jaǵdaıda sot jaýapkerge 50 AEK mólsherinde aqshalaı óndirip alýdy salýǵa quqyly», dep habarlady vedomstvodan.

Eske sala keteıik, budan buryn sot sheshimin oryndamaǵan Oral ákiminiń memleketke 700 myńnan asa teńge tóleıtinin jazǵan bolatynbyz.