Oralda dáleldemelerdi burmalaǵan polıtsııa qyzmetkeri sottaldy

<p>Oral qalasynda dáleldemelerdi burmalaǵan polıtsııa qyzmetkeri sottaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

BQO boıynsha sybaılas jemqorlyqqa qarsy qyzmetten málim etkendeı, «Bızneske jol» jobasy aıasynda Oral qalasy polıtsııa basqarmasy ıývenaldy polıtsııa bólimshesi qyzmetkeriniń ákimshilik quqyq buzýshylyq týraly ister boıynsha dáleldemelerdi burmalaǵany anyqtaldy.

Atap aıtqanda, polıtsııa qyzmetkeri belgilenbegen jerlerde saýdany anyqtaý boıynsha jumys kórsetkishterin jasandy túrde arttyrǵan. Qyzmettik jaǵdaıyn paıdalana otyryp, ol bıznestiń úsh ókiline qatysty stıhııalyq saýda úshin ákimshilik isterdi rásimdegen. Alaıda kásipkerlerdiń qyzmet túri saýdaǵa eshqandaı qatysy joq. Saýda júrgizilmegendikten, polıtsııa qyzmetkeri kásipkerlerdi syrttaı jaýapkershilikke tartqan.

«BQO boıynsha sybaılas jemqorlyqqa qarsy qyzmettiń usynysymen QR Ákimshilik quqyqbuzýshylyq kodeksiniń 204-baby 1-bóligi boıynsha jasalǵan ákimshilik quqyq buzýshylyq týraly hattamanyń kúshi joıyldy. Oral qalalyq sotynyń úkimimen polıtsııa qyzmetkeri aıypty dep tanylyp, 1 jyl 6 aı merzimge bas bostandyǵynan shekteldi. Sondaı-aq ol quqyq qorǵaý jáne memlekettik organdarda 3 jyl merzimge laýazymdardy atqarý quqyǵynan, oǵan qosa polıtsııa aǵa leıtenanty arnaıy ataǵynan aıyryldy. Sot úkimi zańdy kúshine engen joq», - dep habarlady vedomstvodan.

Eske sala keteıik, budan buryn BQO-da mas ózbekstandyqtardyń kólikti aıdap ketip, jol apatyna túskenin jazǵan bolatynbyz.