Oralda birneshe aýdanda sý berý toqtatylady

ORAL. QazAqparat – Oralda káriz kollektorynda taǵy da apatty jaǵdaı oryn aldy, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, 6 naýryz kúni saǵat 19.30-da Máskeý kóshesinde káriz kollektorynda eki jerde dıametri 500 mm qubyr jaryldy.

Onyń jarylý sebebi anyqtalý ústinde.

Osyǵan baılanysty qalanyń 5, 6, 7 jáne 9-shaǵynaýdandarynda sý berýdi toqtatý josparlanýda.

Qazirgi kezde «Batys sý arnasy» jáne «Jaıyq taza qala» JShS kúshterimen (18 qyzmetker, 11 tehnıka) jóndeý jáne qalpyna keltirý jumystary júrgizilýde.

Eske sala keteıik, budan buryn Oral qalasynyń birqatar bóligi aýyz sýsyz qalǵanyn jazǵan bolatynbyz.