Oralda bir kúnde 50 adamnan koronavırýs tabyldy
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sońǵy táýlikte 84 adamnyń indet juqtyrǵany belgili bolsa, sonyń 50-i Oral qalasynyń úlesine tıedi.
Sońǵy úsh kúnde óńirde 205 adamnyń aýyrǵany tirkelse, sonyń 118-i, ıaǵnı teń jartysynan astamy oblys ortalyǵynda anyqtalǵan.
Sondaı-aq úsh kúnde Shyńǵyrlaý aýdanynda 20, Báıterekte 14, Aqjaıyqta 12, Terektide 11, Bórlide 10 adamnan koronavırýs tabyldy.
Іndet bastalǵannan beri oblysta 12329 adam dertke shaldyǵyp, sonyń 9897-si jazylyp shyqty. 199 adam kóz jumdy.
Epıdemıologtardyń sózine qaraǵanda, indetti qoǵamdyq oryndar men bazarlarda, adamdar kóp jınalatyn ortalyqtarda, jumys barysynda, avtobýsta juqtyrý derekteri tirkelýde. Sonymen qatar túrli otbasylyq is-sharalardyń tyıylmaýy da alańdatady.
Eske sala keteıik, budan buryn Batys Qazaqstanda 35 muǵalimnen koronavırýs anyqtalǵanyn jazǵan bolatynbyz.